日本歌舞伎演員中村獅童，日前宣布同懷有三個月身孕嘅女星竹內結子結婚，據知中村今次匆忙宣布婚訊，並冇先向梨園嘅前輩報告，惹嚟唔少梨園人士不滿，話佢欠缺最基本常識。而中村舉行記者會當日，撞正係前輩中村勘三郎舉行「襲名」儀式嘅大日子，當日勘三郎係咁俾記者問有關中村結婚嘅意見，搞到佢非常冇癮！