李嘉欣早前被拍得與已婚商人龐維仁雨中蹺手，男方火速解畫指全為公事。龐維仁妻子龐黃美儀昨日亦力撐夫婿，表示理解李嘉欣蹺手原因，且已接受丈夫道歉，並說：「我嬲係因為咁肉酸。」
李嘉欣早前被拍到與已婚的前上巿公司主席龐維仁蹺手雨中漫步，前日龐維仁公開解畫，指純粹公事商談，其妻龐黃美儀（Catherine）昨日終於打破沉默，在中環回應丈夫的緋聞，她在同事陪同下接受訪問，但拒絕電子傳媒錄影。
龐黃美儀似有備而來，非常淡定，全程力撐丈夫。問龐黃美儀可知丈夫與李嘉欣會面，她說：「我知，但估唔到出嚟嘅效果係咁唔好睇嘅畫面，我點理解畫面？知道佢係傾正經事，嗰晚老公都有打電話畀我，話俾人影咗相會有負面報道，我有晒心理準備。」對於其夫與李嘉欣蹺手，龐黃美儀說：「我自己代入角色，咁大雨，又識咗咁耐、咁熟，把遮又咁細，好易理解點解會蹺手。」
報道又指龐維仁曾出入李嘉欣香閨，龐黃美儀說：「嗰日佢同同事一齊去，但因為我哋北京方面負責人要七點幾先到，老公咪車啲資料上去畀佢睇住先。」若是傾合約，為何李嘉欣的經理人沒有在場？龐黃美儀說：「佢喺度，你哋冇發現啫。之前嗰日買外賣，我先生先去接李嘉欣，再搵埋我上李嘉欣屋企一齊食。」
提到一個已婚男士蹺住單身女郎的手，難免惹人聯想，龐黃美儀即說：「佢承認自己係一時大意，咁唔好睇，蹺手令到我好尷尬，亦影響屋企人，佢同我講咗對唔住，我亦接受咗。」問龐黃美儀會否叫丈夫與李嘉欣斷絕來往？她說：「唔會，大家係朋友，佢識處理，我嬲係因為咁肉酸，唔係因為佢哋蹺手。」
龐黃美儀又表示對丈夫有信心，百分百信任他，又指其夫一向循規蹈矩，不會受不住誘惑，結婚幾年來一直互相尊重、信任。她又解釋早前之所以迴避傳媒，是因不懂面對，但其後因傳媒追訪到奶奶家，故決心澄清。
另一方面，昨晚六時多，李嘉欣胞姊乘坐嘉欣平日出入的平治房車，由其住所往銅鑼灣，記者拍照時她顯得甚不耐煩，問她嘉欣對緋聞的反應及身在何方？她一概不答，並入了珠寶店。
採訪、攝影：RitaLeung、CheokPoFa
