黎姿和陳豪最近須曬黑拍無綫新劇《火舞黃沙》，談到曬黑心得，黎姿透露全靠在露台「乾煎」，陳豪則表示會到海灘曬日光浴，不過他笑言因為自己「大咗」，故堅拒穿三角泳褲。
無綫新劇《火舞黃沙》演員包括黎姿、林保怡、蔡少芬、陳豪、佘詩曼和邵美琪等昨日在將軍澳電視廣播城出席開鏡拜神，眾人將於八月遠赴內地銀川拍外景。由於劇中人物生活在大漠，膚色偏黑，故此所有皮膚白滑的演員均須曬黑。
黎姿表示為了令自己盡快變黑，每日足不出戶，坐在陽台對着太陽「乾煎」，她說：「我為咗套劇，每日背劇本同喺屋企曬黑，坐喺個『騎樓』乾煎自己，希望可以快啲黑。咁樣做我都知傷皮膚，不過冇辦法，咁拍完套劇就會大執換膚。」
至於瘦身成績不俗的陳豪則說：「得閒就去曬太陽，曬黑自己，不過我一定唔會着三角褲。」問模特兒出身的他為何不敢穿三角褲？陳豪說：「大咗！所以接受唔到，着唔到三角褲。」記者聞言即追問何謂「大咗」？陳豪突然面紅耳熱笑着說：「係人大咗！」
佘詩曼則表示上星期入了醫院，她說：「因為拍劇冇乜點休息，換衫時拉傷腰附近嘅肌肉。」由於她腰傷未癒，原本上星期拍攝孭着黃德斌的戲份需要延遲，阿佘說：「我除咗孭黃德斌，重要孭陳豪，𠵱家腰傷未好，遲啲好番先拍，但我一百磅都唔夠，自己又唔想用替身，希望頂得住。」陳豪得知佘詩曼要孭他時說：「我平均都一百七十磅，最肥過二百磅，佢點死！」
採訪：楊潔雯 攝影：仇志德
