早午晚都見到薛凱琪，廣告《FunnyGirl》、MV《男孩像你》、劇集《學警雄心》、電影《早熟》，滯未？漂亮自然、甜美笑容加百分百自信，確實討人歡心，點會膩。着衫，Fiona同樣充滿自信，毋須名牌但有個人風格。佢鍾意嘅未必係最潮，但Fiona對打扮的那份自我與堅持，相比只懂追捧名牌及潮流的女生，更型！
記者：梁珮瑜 攝影：陳智良
化妝：JessicaChan 髮型：Derrick&Wil@Chin.G
拍攝當日，Fiona一身啡調及孭住Porter大背囊前來，輕鬆又型格的少女味恍如鄰家女孩。Rogan條子短裙及購自加拿大的棉質上衣，配襯歐洲旅行時買的頸鏈，腳上是adidasSuperstar35周年足球小將紀念版波鞋。
「着衫睇心情」
大部份衣着都係自己配搭，對衣着打扮有個人一套，Fiona自言着衫風格甚為極端，「我會因應場合而着衫，但主要睇心情。有時少女味、有時Casual中性，無特定的形象及風格。」
打扮心得：「隱惡揚善」
雖然心情最重要，但Fiona都有一套穿衣心得，亦是一點小貼士：「首先要講比例（識得隱惡揚善），如腿粗就要遮、腿靚就要Show。第二着衫顏色要襯皮膚SkinTone，如皮膚黃就不宜襯金色。而最重要是件衫着得舒服，才會有自信心！」
不甘平凡：「各有所好」
Fiona堅持着衫要有個人風格，不甘平凡的精神，總好過一眾CopyCat。無錯，我鍾意就得啦！就好似年初的叱咤頒獎禮，有人批評她的衣着。「襯衫無話啱定錯，只是各人喜好有唔同，最緊要有自信。當時襯高跟鞋一定穩陣，但人人一樣太普通，襯平底鞋不是更特別嗎？」
自信心非來自名牌
Fiona強調着衫最緊要係靚，是否名牌並不重要，拒絕做FashionVictim。「我不會一窩蜂去跟潮流、追捧名牌。時裝雜誌中的Model一定着得靚過你，唔好盲目照跟，要認清係咪真係啱自己！」而Fiona喜愛的品牌有breadnbutter，「主打棉質及粉色調，夏天最易襯！」另外Rogan及AnnDemeulemeester，亦是Fiona至愛的型格之選。潮流雜誌她也少看，「少看時裝雜誌，只會看FashionTV，較易入腦！」
夏日必備小背心+飾物
「夏日MustHaveItem係涼鞋及背心！人字拖或斯文款式的涼鞋都想買，另外背心愈買愈多，各種顏色款式都好易襯。」而Fiona至愛的配件，就係搶眼的頸鏈及吊墜耳環，「不論誇張或簡單的飾物，都可襯托起我最愛的簡約淨色衫，變化多又夠Young，尤其至愛圓形或波波款式的飾物！」
合作系列CallMeCandy
breadnbutter×MayaWild的「CallMeCandy」少女系列，印有Maya設計的糖果及少女插畫圖案，夏日至搶。而居於倫敦的MayaWild經常為《Nylon》、《Elle》等雜誌畫插畫，最新作品係幫Headporter設計獨家iPodcase系列。CallMeCandy吊帶背心$290及束腳半截裙$390。（a）
限量系列
KeepAwayforAnotherEdition
精選背心
精緻搶眼配飾
a.breadnbutter（34282075）
觀塘apm商場UC11舖
b.Ztampz（21511048）
銅鑼灣勿地臣街17-21號地下
