傅明憲四川探「乖女」

傅明憲今年成為香港愛護動物協會會長，早前她親往四川成都熊貓繁育研究基地，探望她助養的雌性大熊貓「葉芝麻」。

「第一次聽熊貓叫」
傅明憲與六歲、體重達二百磅的「葉芝麻」影相，又有機會近距離接觸國家一級受保護動物小熊貓。身在美國的傅明憲說：「真係好難忘，好開心，佢不停咁食竹枝，若果佢懷到孕，秋天就會生，研究基地就准我去抱啱啱出生嘅粉紅色BB。」
傅明憲續說：「我重第一次聽見熊貓叫，可能我抱住隻半歲大熊貓時，抱得佢唔舒服，佢居然『呀呀』聲叫出嚟，好似BB咁，不過佢牙都未出已經好似幾歲小朋友咁大力。」
傅明憲又謂此行令她對熊貓認識大增，她說：「佢哋喺地球已經生存咗八百萬年，腦、腸胃、生殖結構都好原始，一年得一兩日發情，所以保育係好重要。」
採訪：DebbieLum