【本報訊】一名被街坊形容為「扒手大王」偷竊積犯，涉嫌過去三個月在北角渣華道及馬寶道一帶街市，偷竊買餸市民手機銀包及檔主錢箱。警方昨早上派出喬裝各色人等男女警員，在渣華道街市大廈監視，趁該積犯落手偷竊一名買餸老婦手機時將他拘捕。有街市檔主事後豎起大拇指大讚警方：「差人好嘢！拉咗個衰人，啲街坊可以放心買餸，我哋可以安心做生意啦！」。 記者：梁偉權
曾兩次被疑犯趁他忙於開檔，企圖偷竊店內錢箱的渣華道街市大廈花店店主黃先生表示，三個月前開始，到街市買餸的街坊及菲傭被人偷走手機或銀包，懷疑為同一人所為：「有個男人經常喺買餸黃金時間喺街市內徘徊，鬼鬼祟祟。佢試過兩次走入我間舖頭想偷錢，一次被發現後詐儍扮懵急腳離開，另一次事敗逃走俾我哋追咗成條街，但最終俾佢走甩咗！」。
另一名肉檔檔主陳先生指疑犯好無良：「有啲菲傭俾佢偷咗啲買餸錢，點向僱主交代呢？聽講馬寶道街市有個肉檔，俾佢趁人多買嘢時偷咗二千幾蚊啊！好多檔主對佢已有戒心，人見人憎啦！」。
警方港島總區特遣隊主管陳家順高級督察表示，針對渣華道及馬寶道一帶街市偷竊情況，昨早上九時開始派出大批警員，在現場一帶進行監視。為免打草驚蛇，警員喬裝成各色人士包括買餸師奶、送貨工人及候車市民等。
至早上十時許，一名身穿T恤短褲拖鞋、手拿環保買餸袋師奶打扮女警，在渣華道街市大廈二樓發現一名可疑男子，對買餸街坊虎視眈眈，即時通知在附近同袍協助監視。
未幾可疑男子走近一名在菜檔買菜老婦，趁老婦不覺偷走環保買餸袋內一部手機，在場監視警員立即採取行動拉人。現場消息稱，可疑男子見事敗企圖逃走及激烈反抗，但終被警員制服。被捕疑犯姓葉（四十六歲），有多次偷竊案底及染有不良嗜好。
有人被捕後承認多次在北角區街市獨自犯案，警方正追查疑犯涉案情況。警員成功拘捕活躍街市三個月的扒竊犯後，惹來街市多名檔主豎起大拇指稱讚。