林家棟前晚起程前往康城，與杜琪峰及古天樂等出席有份競賽的電影《黑社會》首映禮，林家棟所屬經理人公司老闆劉德華在家棟出發前特別送上價值三千多元的Armani煲呔及腰封，讓他行紅地氈時佩戴，又在盒面寫上：「康城是你起步，而奧斯卡才是你的目標，一起努力吧！」
對此家棟笑說：「個盒我會攞返屋企裱起佢，其實華仔好耐之前都叫我畀心機，佢希望我可以憑《黑社會》攞最佳男配角，然後憑《文雀》攞最佳男主角，我就話：『老細，壓力好大喎！』」華仔一直睇好家棟，他說：「希望我送煲呔可以帶多啲好運畀佢，希望佢嘅演出有人留意，同識得欣賞啦。」
而古天樂亦已抵達康城，不過他中途轉機時因班機延誤，滯留巴黎機場數小時。