已逝世嘅展能藝術會創辦人方心淑，一生貢獻服務弱勢社群。復康會會長方津生噚晚喺「方心淑博士紀念冊」典禮話，佢有次因為讀書懶考第尾，俾姑姐方心淑鬧到飛起，而佢下學期竟然考到第一，「因為我好驚姑姐！」但呢位姑姐都有幽默一面，每年聖誕佢都會叫方家嘅細路仔排戲，方津生話：「佢叫我扮聖誕老人，我話我咁瘦點扮，佢叫我要有信心。」
原來衞生福利及食物局局長周一嶽都得過方心淑博士鼓勵，周局長話二十年前做骨科醫學會會長時，方博士鼓勵佢號召十八區區議員一齊砌破世界紀錄嘅砌圖，紀念國際復康日，「以為無可能叫到咁多人，但真係做到；可以叫啲尊貴嘅議員聽話，如果𠵱家都可以就好啦。」為延續方博士嘅精神，當局喺十二月三日會搞國際展能藝術節。
傳真︰2623-9278
電郵︰[email protected]