退休國寶跳水天后暨前財政司司長梁錦松嘅愛妻伏明霞，即將步入國際泳聯名人堂。為咗隆重其事，國際泳聯名人堂委員會喺美國佛羅里達州嘅勞德代爾舉行咗個盛大嘅頒獎晚宴，不過呢個名人獎唔係表揚松嫂嫁俾赤松，而係對佢喺九二、九六、○○年三屆奧運會一共奪取四金一銀嘅空前成績。
佢亦係繼周繼紅、許艷梅同高敏之後，第四位進入國際泳聯名人堂嘅中國跳水運動員，八卦友問，唔知呢個國際泳聯係咪重女輕男，點解譚良德、熊倪呢啲又俊朗又好身手嘅跳水王子，竟然都冇一個入選？淨係前國家隊總教練徐益明曾於○三年獲得教練獎。
傳真︰2623-9278
電郵︰[email protected]