馬王精英大師今日又上征途，向十八連捷嘅新紀錄進軍，上次精英大師出賽，馬會搞咗個換領紀念帽活動，結果搞出馬迷人踩人事件，馬會今日就唔會再搞類似活動喇，實行諗掂啲應變方案先至算。八方聽聞，馬會一眾管理層日前肯企出嚟就派帽事件道歉，背後原來重有古仔。
話說馬會原先諗住發張新聞稿，交代派帽事件調查報告就算數，點知主席夏佳理話唔得，要班管理層出嚟自己解畫。
八方覺得，主席肯增加馬會透明度固然係好事，馬會班管理層都唔使太介懷，班廣大馬迷嘅血汗錢平時都笑住輸畀你哋啦，你哋肯道歉，馬迷唔通唔肯原諒咩。
傳真︰2623-9278
電郵︰[email protected]