鄭少秋前晚個唱開鑼，鄧萃雯化身為「豪放版如妃」，為秋官伴舞坐大髀卻被寸太重，而秋官又扮麥浚龍大跳hiphop勁舞，年屆五十八的他果然寶刀未老。
鄭少秋在前晚首場紅館個唱上，請來鄧萃雯、古巨基、趙雅芝、張天愛和關菊英擔任嘉賓；其間雯女換上性感舞衣為秋官《OhGal》伴舞時，又擘腿又踢腳，甚至索性坐在秋官大髀，化身為「豪放如妃」，不過，雯女卻被秋官取笑說：「你又話減肥，點解重咁重？」
秋官又與性感女dancer跳貼身舞，提起對方轉圈，甚耗體力。及後秋官更扮麥浚龍（Juno），邊唱《愛上殺手》邊跳hiphop，全場觀眾即時起哄，雖然秋官年屆五十八，但舞姿還勁過Juno。
秋官還在台上暗寸Juno說：「我始終學唔到佢嘅神髓，我睇ＭＶ嗰陣，發現佢每次跳跳吓，個頭都會望去左邊，後來我叫排舞師企喺左邊，等我間唔中偷望過去，記吓啲舞步，唔知佢係咪都係咁嘅原因呢？」
而前晚秋官在台上逐一吻謝表演嘉賓，就連古巨基也不放過，秋官表示事前已向太太官晶華申請，所以不擔心太太會因此呷醋。
至演唱會尾聲時，秋官在台上說：「有位嘉賓好想請佢嚟，但佢嚟唔到，唔可以再同我一齊分享喜悅，嗰位就係黃霑。」說罷秋官即演繹黃霑《輪流轉》和《忘盡心中情》等多首名曲，以示懷念。
此外，前晚秋官邀請兩位現場觀眾上台玩《殘酷一叮》，其中一位女觀眾唱歌時，身後升降台突然下降，秋官即小心翼翼地傍着對方，猶幸有驚無險。
秋官演唱會後接受傳媒訪問說：「跳舞嗰part自己盡咗力去做，搞到我體重跌到六十六千克；其實排練中途，自己都曾經想過放棄㗎。」問秋官是否效法許冠傑（阿Sam）跟嘉賓咀咀時，秋官即否認道：「點敢！佢勁好多，佢嗰啲係wetkiss（濕吻）。」
採訪：王連連 攝影：仇志德
