李嘉欣最近被拍到與已婚的前上巿公司主席龐維仁夜會的照片，更挽手漫步雨中。龐維仁昨日澄清與嘉欣是十年鄰居，只是欲請對方出任其妻龐黃美儀皮草公司的代言人云云，但龐太昨日則不接受訪問，避免曝光。
李嘉欣最近被拍得與有婦之夫、前豐裕興業國際主席龐維仁夜會的照片，兩人周一晚到灣仔買魚生外賣，周二晚男方則駕車到嘉欣位於渣甸山的香閨，接她前往深灣遊艇會會友，嘉欣中途挽着龐維仁手臂，共撐一傘，恍如情侶雨中漫步。
大批記者昨日到龐維仁及其太太黃美儀位於中環的辦公室等候，現為L.P.LammasHoldingLtd主席的龐維仁下午二時多回到公司。至五時許，龐維仁主動向在場記者解釋緋聞，問他是否與李嘉欣拍拖？龐維仁說：「我公司旗下有間IceHouseFur（由其太太開設），計劃今年去內地發展，我哋初初擬定搵李嘉欣做中國區代言人，plan咗九月大搞，所以見面係傾啲工作嘅細節事。」
龐維仁提到IceHouseFur是其妻所開，何以不見她同行？他說：「因為運作方面嘅嘢，太太係冇負責，今次真係一個唔美麗嘅誤會。我同李小姐識咗十年，係鄰居嚟，太太都識佢。」為何嘉欣挽你的手？他說：「嗰日落雨，雨又大，把遮又細，佢差啲跣親，扶一扶啫。」問龐維仁太太可有大興問罪之師，他說：「任何人都唔會高興，包括我屋企人、同事、老婆，重有李小姐同佢嘅屋企人。本來代言人事件係想畀客人一個surprise，𠵱家會唔會取消就未有定案。唔係張相大影響，而係你哋點樣position（定位）件事。」
龐維仁強調不會因此而減少與嘉欣來往見面，他說：「朋友就係朋友，唔會影響。」
而龐黃美儀五時半亦回辦公室，但對記者顯得甚為抗拒，其座駕拉上布簾直駛入大廈，避談丈夫緋聞。
採訪、攝影：顏英儀、魯萍
