吳文忻在懸疑片《飄移空間》中，除被瘋婦綑綁雙手和箍頸外，更遭舔臉及險被性侵犯，嚇得她患上思覺失調，終日疑神疑鬼，十分可憐。
吳文忻、張燊悅、洪天明和王合喜等主演的懸疑片《飄移空間》即將上映，吳文忻在片中扮演一名患上思覺失調的社工，終日疑神疑鬼，王合喜則與患有精神分裂的張燊悅譜戀曲。
電影內容講述吳文忻本欲救助一名因慘被強姦而變瘋的女子，卻被對方綁走，該瘋婦還在她面前脫下褲子及舔她臉頰，並意圖性侵犯她，雖然吳文忻最後獲救，但因大受打擊而患上思覺失調，洪天明更慘被她打穿頭。
吳文忻拍攝《飄》片時吃了不少苦頭，除拍攝被綁手吊高和遭箍頸的鏡頭外，又須親自上陣危坐於三層樓高的露台邊拍攝。
日前吳文忻接受本報電話訪問時說：「嗰日我坐喺三層樓高嘅露台唔係太驚，因為我冇畏高，反而啲工作人員重緊張，幫我吊晒威吔，又喺我身後面扯住啲繩，辛苦嘅地方係凍同痹啫！」
吳文忻在片中險被瘋婦性侵犯，未知她拍攝時會否感到尷尬？她說：「冇，因為大家冇乜身體接觸，我又打晒底，我件衫俾佢掀起咗，其實我着咗件tubetop喺入面嘅。」
吳文忻表示現實中亦常遇上女同性戀者，但從未試過被性騷擾，她說：「我由細到大都讀女校，不時都會遇上同性戀者，但試過有女仔寫情信畀我，你唔理佢就意會到㗎啦，不過我對佢哋唔抗拒，我亦有好多同性戀嘅朋友。」
採訪：朱倬誼
