導演馬偉豪獨愛苦情Feel
薛凱琪與台新人王譜戀曲

薛凱琪近日憑主演劇集《學警雄心》及電影《早熟》而備受矚目，導演馬偉豪看中她的眼神夠苦，故計劃找她演出新版《天若有情》，與台灣新人王郭品超譜出一段浪漫的愛情故事。

近期人氣不俗的薛凱琪，憑主演電影《早熟》備受好評，最擅長捧新人的馬偉豪導演最近亦看中了她，計劃找她演出新版《天若有情》，男主角則由台灣新人王郭品超擔任。
當年杜琪峰監製的《天》片捧紅了劉德華與吳倩蓮，馬偉豪亦希望新版《天》片可以成功塑造薛凱琪和郭品超成為新一代的銀幕情侶。

眼神苦夠吸引
馬偉豪認為新一代女星中，薛凱琪有一種很獨特的氣質，他日前接受訪問時說：「佢嘅眼神好苦，如果搵佢演文藝片，佢嘅眼神會好吸引人，而郭品超𠵱家喺台灣好紅，係新一代嘅年輕偶像。佢演出嘅劇集《鬥魚》喺台灣同內地播出時都有唔錯嘅反應，所以我就睇中佢同薛凱琪做銀幕情侶。部戲會喺月底開拍，其實部戲嘅感覺有啲似《天若有情》，唔係照住舊版嚟拍，薛凱琪嘅角色係飾演一位有殘疾嘅少女，而郭品超就係一個嚟自台灣嘅叛逆青年，佢兩個喺香港認識後，發展咗一段浪漫嘅感情。」

希望來港發展
現年二十八歲的郭品超是模特兒出身，當年因為拍攝了一輯廣告，被星探看中，後來簽了台灣經理人公司多曼尼。郭品超演出了台劇《鬥魚》後，在台灣的星途就更加順利，最近他的經理人公司希望安排他來港發展。