關心妍（Jade）、何韻詩、周麗淇（Niki）、方力申（Alex）與鄧麗欣（Stephy）等，昨日在尖沙嘴出席「萬糭同心為公益」活動，他們分組比試包糭，不過顯得雞手鴨腳，特別是阿Jade包得又慢又差，最後當然敗陣，連累她的拍檔何韻詩被罰不可用手拿起糭吃，只可用口，狀甚狼狽。
阿Jade說：「都係我太完美主義啦，包第一隻覺得唔夠靚，再包多一隻，不過最後都係輸，我諗住今年端午節再包過畀同事食，到時一定唔會咁差。」
另一方面，Alex未分組前被問到選擇與誰合作，結果他揀了Niki，還玩得非常投入，問他不揀Stephy是否怕尷尬？Alex說：「唔係，大會一早分好，我同Niki合作過拍劇又錫過，所以特別合拍。」
採訪：胡比 攝影：葉君海