新鴻基地產同中大再度合作搞諾貝爾獎得獎學人講座，下個月三號會喺九龍香格里拉酒店舉行，今次同時請到三名諾貝爾經濟學獎得主，包括新鮮出爐○四年度獲獎嘅普雷斯科特教授，重有蒙代爾教授同莫理斯爵士。
贊助商新地副主席兼董事總經理郭炳聯噚日喺記者會上話，希望藉着呢啲學者嚴謹嘅鑽研學問精神，同埋不斷超越自己嘅毅力，啟發年輕人對知識嘅追求，提高學養，擴闊國際視野。佢好希望香港可以出產到諾貝爾得獎者。
另外，呢次講座系列，重有三位著名經濟學者，包括哈佛大學嘅巴羅教授、艾爾西納教授及哥倫比亞大學費爾普斯教授。講題係「從環球經濟看中國之崛起」，大會重撥出部份名額，免費派畀公眾人士，詳情之後公布。
傳真︰2623-9278
電郵︰[email protected]