舞蹈員出身、曾是梅艷芳徒弟之一的彭敬慈（Samuel），最近展開新一頁，先獲安排參演電影《三岔口》，稍後會接拍內地劇集，還會拍廣告。
Samuel說：「入行咁耐，𠵱家想法成熟咗，而且年紀都唔細喇，自己都唔想再衰落去。𠵱家我會學好多嘢，等第時有需要，我一嚟就上到手。之前做梅姐個徒弟時，個人形象唔係咁突出，所以要諗辦法，令多啲人認識我。」
面對壓力，Samuel會踩花式單車減壓，他說：「四年前就開始周圍踩單車，同幾個朋友一齊玩。但唔算專業單車手，只係好似街童咁玩吓。而且𠵱家要學咁多嘢，有時踩吓都可以平衡身心，唔使成日諗住工作。」
採訪、攝影：王連連