鷹君副主席兼港交所董事羅嘉瑞噚日向八方爆料，原來佢同港交所下屆主席大熱之一嘅張建東係老友記兼波友，如果張建東肯做港交所主席，佢會好支持。
好多人都知道羅嘉瑞鍾意打高球，以前每星期會去粉嶺打兩次波。佢噚日開完鷹君股東會後同八方呻，近期一直忙於搞旺角朗豪坊，又要去觀塘新開嘅apm觀摩，所以冇乜時間去打波，每星期淨係去到一次咋，搞到球技都水皮咗，handicap（讓桿）數目由七加到十二。
羅嘉瑞之所以同張建東成為老友記，就係因為成日喺粉嶺高球場撞到，佢重大讚張建東打波好叻；而且佢哋兩位都係機管局董事，開會時好似書友仔咁坐埋隔籬，唔怪得咁friend啦。
傳真︰2623-9278
電郵︰[email protected]