余文樂前晚出席新城音樂會，演繹其中一首歌時忽然甩嘴，他事後表示這次發台瘟算是一次好的經驗，因為可以令他學會日後怎樣執生應對。
余文樂、方力申和2R前晚在浸會大學會堂出席新城「聯fan所頭號唱好音樂會」，余文樂忽然發台瘟，在演唱其中一首歌時甩嘴，他只得儍笑遮醜。
對於自己在舞台失態，余文樂事後接受訪問時說：「我都唔知點解，我第一次咁咋，我之前有準備，但突然發台瘟，好似斷片咁，可能近日我忙於準備下月嘅小型音樂會，要背歌詞好忙，加上公司唔畀我請嘉賓，一個人孭晒，我好擔心，壓力好大。」
余文樂認為這次教訓令他獲益良多，他又說：「我承認自己嘅錯誤，多啲經驗好吖，等我知道臨場應對。」
而對於港台高層周國豐日前批評Twins的唱功差，身為鍾欣桐緋聞男友的方力申前晚說：「唔關我事，嗰日我自己冇聽歌手唱歌，其實做乜嘢都冇十全十美，只要嗰個人盡力唱就ＯＫ。歌手應該準備好先唱現場，練好歌係自己本份。」Twins曾被批咬字不清，方力申又說：「呢個唔應該由我去評論，絕對唔關我事。」
此外，2R前晚的服裝原來由Rosanne親自設計，她說：「呢套係我第三套設計嘅衫。」問Rosanne可有意與其他服裝品牌玩crossover，她說：「未有咁快，如果可以梗係開心。」
採訪：胡比 攝影：仇志德
