江欣燕和唐麗球昨日穿上比堅尼泳衣在尖沙嘴出席纖體活動，江欣燕表示成功減了二十多磅，現時腰圍二十二吋，她說：「上圍就縮咗吋幾，不過呢啲嘢夠食夠使就得啦！」
江欣燕和唐麗球昨日齊往尖沙嘴出席貴族纖形舉行的纖體活動，兩人以比堅尼泳裝示人，並示範調酒及與小朋友跳夏威夷草裙舞，江欣燕的比堅尼下截超低腰，她亦笑言褲子短無可短，其間她的胸墊移位，但很快拉回原位。
問欣欣纖體成功，老公吳積遜有何評價？欣欣說：「佢都話諗唔到我今次咁狠，佢叫我以後要斯文啲，着性感衫唔好周身郁，費事落水時會人同泳衣分離。」問她身材更fit後會否大膽裸曬？她說：「裸後就敢，裸前就冇可能啦。」
欣欣表示為出席昨日的活動，已減少進食，前晚在家更穿上泳衣對鏡照了個多小時，她指與最重時比較，瘦了二十多磅，現在體重維持在九十四至九十六磅。
問欣欣三圍數字是否大改變？她說：「上圍就縮咗吋幾，不過呢啲嘢夠食夠使就得啦，腰圍就二十二吋，同祥嫂一樣呀，重有最開心就係冇咗個肚腩，正式告別以前晚晚拍肚皮嘅日子。」
此外，唐麗球昨日活動完結後匆匆換衣服離開，她透過工作人員表示因前晚吹了風，所以不舒服，不接受訪問。
採訪：IngridChan
攝影：RickyChan
