入娛樂圈嘅途徑愈嚟愈多，讀讀吓書都隨時可以成為明星。職訓局噚日搞咗個記者會，公布下星期一舉辦嘅聯校歌唱比賽會大搞新意思，除咗首次邀請「內地演唱會之父」Ba叔到場揀蟀，希望覓得明日之星外，重會請唔同學系嘅學生為參賽者做時裝同形象設計，有啲學生重會負責伴舞㖭。
呢個比賽嘅搞手呂康同八方講，佢哋唔係鼓勵學生做明星，而係希望發掘佢哋讀書以外嘅潛能，職訓局呢次「造星」大計成唔成功暫時言之尚早，但肯定噱頭十足。佢重話，遲啲會安排啲讀娛樂事業課程嘅學生，去Ba叔間公司實習㖭。
傳真︰2623-9278
電郵︰[email protected]