鄭少秋昨日與有份出任其演唱會嘉賓的張天愛，在紅館綵排，秋官和張天愛在演唱會中將會扮演王子及公主，昨日綵排時張天愛表現得十分投入，就算多次露出紅色內褲她也沒有理會。秋官還透露其演唱會服飾中，有一套是黑色透視裝，現正考慮是否貼住兩點。
鄭少秋昨日到紅館綵排其「家傳戶曉演唱會」，擔任表演嘉賓張天愛和鄧萃雯均有到場。張天愛表示她入娛樂圈的第一次表演便是與秋官合作，她說：「嗰時本來係由蕭芳芳同秋官合作做一個港姐騷，點知芳芳姐喺表演前三日驗到有BB就推咗，之後就由我頂上。」
不過張天愛指自己不懂看中文而鬧出笑話，她說：「嗰時我唔識中文，睇到秋官個名有個秋字就以為佢係于素秋㖭，之後秋官就同我講佢係鄭少秋。」而張天愛在排舞時不時露出紅色內褲。
秋官則透露十多套服裝中有一套是黑色透視裝，他笑說：「我會露點露肌肉，我諗緊貼唔貼住嗰兩點呀，但係我要求個效果出到嚟係靚、高貴同高雅，務求大家睇得賞心悅目。」秋官指太太及女兒必定會到場欣賞他的演出，不過身在加拿大的欣宜因為忙於考試未能返港，他說：「本來有人提議過我拉欣宜做嘉賓，但係佢要考試返唔到嚟，我考慮緊下次開演唱會揀暑假檔期，咁就可以就到欣宜放假返嚟。」
另外，秋官指會有一位靚女二胡演奏家為他伴奏，問是否他主動要求有靚女伴奏時，秋官說：「一直以嚟我嘅工作同作品當中一定要有靚女，冇靚女嘅工作係唔適合我㗎。」秋官更不忘自誇地說：「我覺得自己呢一刻真係好正，如果我企喺台上加埋燈照住就更正。」
採訪、攝影：李珮洳
