鄭融、林燕妮和杜麗莎等，前晚出席新片《狙殺狗仔隊》的首映禮。鄭融早前因只顧拍拖而被雪藏，她前晚表示到三十歲才會享受感情生活，後來卻說若拍拖就一定會低調，到底哪一句才是她的真心話？
鄭融、杜麗莎、王敏德及馬詩慧夫婦、元華夫婦和林燕妮等，前晚到銅鑼灣出席新片《狙殺狗仔隊》的首映禮。林燕妮用宣傳貼紙封住嘴巴，更在攝影鏡頭前做出趣怪表情，至受訪時才肯撕開貼紙，林燕妮說：「我都試過俾狗仔隊跟，重包圍住我住嘅大廈，我要由秘密通道走，我都怕狗仔隊。」
穿上低胸裝的鄭融和其唱歌老師杜麗莎結伴往看首映，早前有傳鄭融因為只顧拍拖、又講粗口和抽煙，故被經理人公司雪藏，鄭融說：「我近排都忙做新碟嘅嘢，我好珍惜工作嘅時間，一直都冇拍拖。我年輕，希望完成工作，等三十歲退休先享受感情生活。」
杜麗莎聽到鄭融如是說，卻贊成她拍拖，杜麗莎說：「後生女，拍拖好正常，佢又咁靚女，最緊要工作同拍拖分配得好。」對於杜麗莎鼓勵拍拖，鄭融說：「暫時我想專注工作，公司冇order話唔可以拍拖，如果係就會低調。」鄭融一時說三十歲後才拍拖，一時改口說拍拖會低調，不知哪句才是真心話呢？
此外，元華被問到為何不去康城宣傳電影《功夫》，他酸溜溜地說：「我冇聽過喎，都冇人邀請我去。」元華與曾公開狠批他演技浮誇的黃秋生合作新片《阿嫂》，元華說：「我哋咪sayhi同講早晨，第一次合作都唔熟，費事講多錯多。」對於黃秋生否認自己講過的說話，元華說：「我哋見面冇尷尬，佢都話冇講過咪算囉。」
採訪：張俊銘
攝影：林德雄
