以前dotcom熱潮，就話憑騎呢URL就可以上位。但網絡夢爆破之後，好多人試過喺自己部電腦落廣告軟件AllAdvantage搵快錢，但都唔撐得幾耐。來到今天，網上狂吹「網絡日誌」風潮，有啲人用作發洩渠道，有啲人就喺一個地方去聚集一班志同道合的朋友，亦有人當Blog作為賺錢發達用途。
記者：周頌堯 攝影：周旭文
何謂Blog？
Blog是WebLog的縮寫，只要是文字記錄性質，可稱作網絡日誌，大陸譯「博客」，台灣譯「部落客」。它同個人網頁不同的地方，在於唔需要有html的知識，幾乎識打字就可以上網玩互動溝通。現時Blog主要分為兩種形式：隨意輕鬆記錄生活點滴，或組成一個興趣共通的社群討論及發表言論。
中港台 網嗡會發達
中國區 性鬥士禁書賺一筆
木子美前為中國大陸女編輯，一直在網上寫下與眾多男伴的性愛日記，更憑當中一段與大陸著名搖滾歌手的性史被傳媒炒作煲紅。及後結集成《遺情書》，在大陸愈禁愈紅，港區數十萬版權費亦袋袋平安。木子美帶紅「博客中國」至每日點擊數20萬次，但卻被大陸網友狂轟謾罵。
網址： http://muzimei.blogbus.com/
香港區 帶銀潮作私Label
本港的帶銀公主起初建立網頁的原因，僅為宣洩個人情感。網站繪畫的紮馬尾小女孩角色，其實是帶銀公主自己的投射，透過小角色的角度去記載一啲生活中的小趣事。在沒有宣傳、全靠口碑的情況下，受到愈來愈多網友支持。之後更同一大班朋友建立了私家品牌，生產一系列T-shirt、衞衣等產品，反應熱烈之餘亦吸引了不少傳媒採訪。
網址： http://princessdiane.com/
台灣區 本土狂賣80萬
藤井樹從1999年開始在網絡BBS開始寫愛情小說，隨即受到出版商青睞。第一本小說《我們不結婚，好嗎？》暢銷14萬，出道至今共出版11本小說，台灣總銷量錄得80萬，被捧為網絡小說鼻祖「痞子蔡」的接棒人。網上有句話亦流傳開來：如果你不知道藤井樹，那說明你已經落伍！
網址： http://hiyawu.com/
今期Blog界最紅
講開網絡Blog人氣女，絕對要提呢位韓國代表：JiMiYu，天使面孔（有人話佢似李嘉欣）再加上火辣身材，在男Fans眾多的網絡世界上絕對吃得開。她的火辣圖片亦轉貼到多個網頁，後期更被冒認濫用得非常嚴重。搞到其個人網站首頁就刊登咗一張長長嘅黑名單，絕對係樹大招風代表作。
網頁： http://members.fotki.com/jimiyu/
FriendsterOut!
陳冠希最近喺Hompy的網頁化名ClotInc.推廣佢的新碟，免費宣傳之餘又可以同Fans互動交流。至於佢早前蒲開的Friendster就唔使再吼！
xangaIn!
四姨太個女Sabrina的私人日誌被多次曝光，證明咗網絡上並不是人人都安全，會俾人睇晒私生活中不為人知的一面。
本地Hompy搵明星撐場
全港最多網上用戶的網上行，剛於4月初推出名為「Hompy」的Blog服務。除咗有8MB免費儲存空間、Avatar公仔、換Skin，重可以Upload短片或歌曲上網與網友分享，每個Hompy都是絕對私家口味的網上日記。Click入Hompy首頁的人氣榜，徘徊十大之列都各具特色，當中包括女生宿舍的Toby同化名Clot的陳冠希。
網址： http://hompy.netvigator.com/main/index.jsp
Hompy擊爆
TOBY梁靖琪
宣言：好鍾意李小龍！
講乜：無嘢講，好明顯係明星效應。
MyOwnWorld
宣言：Areyouawareofwhatyoumakemefeel?
講乜：私家情感世界
來一口mOcHa
宣言：Ifrose'sgreen&grass'sred,'llurememberwhatIsaid?
講乜：私人感情記事
思念茶葉罐
宣言：我的立立雜雜一堆堆東拉西扯
講乜：心情記事+歌詞
Blog服務商推介
本地
Hompy：網上行喺上個月推出的免費服務，只提供給網上行用戶申請使用。
網站： http://hompy.netvigator.com
HKflash：已成立7年，會員人數約20萬，特別在於提供畫圖功能的留言板，推動Flash文化。
網站：www.hkflash.com
外國
xanga：已成立近1年，可算是私人日記的鼻祖。
網站：www.xanga.com/krushier
Blogger：有很多討論性質，是時事評論性較多的Blog。
網站：www.blogger.com
文化人解畫：香港未夠多元化
現時擔任鳳凰衞視《網羅天下》節目主持人的梁文道話：Blog喺香港成熟得好快，但香港的Blogsphere重未夠多元化。外國的Blog已經演化為參與者成為記者的模式，各行各業的專業人士例如空姐、消防員喺Blog上面分享職業上嘅心得亦成為Blog的引人之處。不過我認為多元化的BlogCulture喺香港發生係遲早嘅事！
你講我講Blog
