「護苗基金」昨日在一間中學舉行性教育活動，為宣傳短片配音的Twins、黃貫中及有份捐錢的賭王何鴻燊、三姨太陳婉珍及兩位女兒均有到場欣賞短片。鍾欣桐（阿嬌）表示與蔡卓妍（阿Sa）到外地公幹時，會站在阿Sa背後保護她，避免遭性騷擾。
女子組合Twins、黃貫中、杜汶澤和劉丹等，昨日在葵涌一中學參與「護苗初中教育課程」活動。早前捐出百多萬元給護苗基金的賭王何鴻燊及三姨太陳婉珍，帶同兩位女兒超雲和超蓮到場。超雲和超蓮長得亭亭玉立，一直靜靜地坐在父母旁欣賞短片。主辦人蕭芳芳表示何鴻燊與三姨太捐出的善款，令護苗基金可增加一隊工作人員。
活動上播出一段由Twins、杜汶澤和方力申等配音的動畫及性教育短片，阿澤觀賞時竟忍不住捧腹大笑。阿嬌在動畫內聲演一名受害女孩，阿Sa表示對性有好奇時，曾向家人請教，她說：「我試過去便利店，見到好多避孕套，我唔知乜嚟，咪問爹哋囉！」
問Twins是否懂得防狼術？阿嬌說：「唔知點解，出去外地嘅時候，阿Sa成日俾人掂，我實會企佢後面，打走晒啲人。」阿Sa則說：「係啦！混亂嗰陣時，歌迷會唔小心整到我，我都會話佢哋㗎！」
為「護苗」宣傳短片作歌的黃貫中，笑言讀書時對性最好奇，他說：「我十二歲對性最好奇，有乜都問屋企人，試過喺屋企摷晒老竇五顏六色嘅避孕套，攞晒嚟玩。我都覺得要早啲同細路仔講呢方面嘅問題。」
記者追問黃貫中可有計劃與女友朱茵製造小生命？他說：「我哋兩個都鍾意細路仔，但係怕𠵱家唔係好照顧到佢。我好想同自己嘅細路關係好，佢哋好信賴我，乜都問我就好喇！」
採訪：王連連
攝影：林德雄
