李家祥自從冇競逐連任立法會後，並冇靜落嚟，早排做咗體院主席，噚日新鴻基地產就公布，委任佢做非執行董事。其實Eric李同郭氏家族早有淵源，一直做開唔少新地旗下上市公司嘅董事，包括九巴、數碼通等，不過都係做獨立非執行董事，今次就做咗新地非執行董事，唔知係唔係因為唔想再做獨立人士？新地份公布話，Eric持有新地一萬八千股，市值一百三十五萬元，象徵式收番年薪四萬蚊嘅董事酬金。
新地重公布，委任港大首席副校長王于漸做獨立非執行董事，睇嚟王教授都幾獨立，因為佢重係李超人旗下長江生科，同埋小小超李澤楷旗下盈大地產嘅獨立非執行董事，新地都搵佢入局，真係夠獨立。
傳真︰2623-9278
電郵︰[email protected]