韓劇《大長今》過去幾個月喺香港掀起一片韓國熱潮，唔單止韓國觀光公社要忙於應付本港地產商對劇中演員現身旗下商場「交流活動」之邀，連韓國證券交易所亦打長今主意，噚日喺香港舉辦咗個外國公司在韓上市嘅推介會。
據佢哋嘅股票市場部上市服務高級副總裁KimIn-soo話，雖然到目前為止，重未有香港或中國公司喺韓國上市，但韓交所喺處理上市申請、對新上市公司要求，同埋上市承銷團收取嘅包銷費方面，都同香港相若，甚至稍稍低過香港，所以應該會有吸引力咁話。之不過，噚日出現推介會嘅只有投資銀行中人，並冇公司代表現身，睇怕佢哋都要再落多兩錢力至得咯。
傳真︰2623-9278
電郵︰[email protected]