成功嘅公關可以保住公司形象，否則下場就好似RoadShow路訊通咁。噚日佢哋股東會，由於有人事先張揚會到場示威，所以八方同啲行家，特登早啲到，睇吓係咩一回事。會後據一對與會嘅小股東夫婦報料，其實只係一個代表「靜巴行動」嘅洋婦（圖）踩場。
原來呢位洋婦已經係第四年嚟抗議，喺小股東眼中，佢只係一個搞到個會開好耐、阻住大家食嘢嘅人，唔算示威咁話。咁點解八方要同小股東收料呢？因為RoadShow嘅職員同埋公關話，完全冇聽過有人示威、唔知「靜巴行動」係乜、冇人喺股東會上搞事云云。八方心諗，使唔使出動「實Q」，又講大話呀？
傳真︰2623-9278
電郵︰[email protected]