今年八月已經三十九歲嘅金像影后荷爾芭莉（HalleBerry），一直好想快啲做媽咪，雖然佢唔排除會領養小朋友，但係始終希望自己生番個，由於荷爾𠵱家根本冇固定嘅男朋友，加上佢聽過唔少人用人工受孕嘅方法成功懷孕，所以佢會考慮用呢個方法。另一方面，荷爾亦剛入圍《Maxim》嘅Hot100排名第四十一位，榜首係伊娃隆歌莉亞。