喺左派圈子極度活躍嘅釋智慧法師，噚日正式接任寶蓮寺第七代方丈，唔知係咪有欽點性質嘅特首選舉方法俾人嘈得多，智慧法師見到八方時，就即刻為自己洗脫「欽點」嘅嫌疑，表明方丈選舉非常民主，皆因係採用不記名投票，而且中門大開，寶蓮寺以外嘅法師都可以參選，擺明有實力就可以去馬，結果原任寶蓮寺監院嘅釋智慧，就得到其他法師「屬意」，以逾九成嘅高票數當選，難怪佢肯出嚟主動講自己嘅威水史。
就連佛道中人都明白民主選舉嘅重要性，煲呔曾都應該明白，第時點先可以理直氣壯面對群眾啦。
傳真︰2623-9278
電郵︰[email protected]