前名葉月里緒菜嘅葉月里緒奈，上星期五趁住黃金周假期，帶BB女同父母一齊去老家附近嘅意大利菜館大擦一餐，《女性自身》雜誌嘅狗仔隊就偷拍到佢同媽咪步出餐廳嘅情況。葉月推住六個月大嘅B女，佢睇嚟非常精靈，𠱁得媽咪同外婆鬼咁開心。自從葉月生咗個女之後，佢阿媽就全力幫手湊女，難怪雙方嘅關係比以前改善咗唔少。