中大社會科學院院長改選出現爆冷賽果，新聞及傳播學院嘅李少南以四十三票比三十七票，擊敗現任院長梁怡當選。八方嘅友好話，通常冇乜人會挑戰在任院長，除非係院長自己唔做先有得選，所以今次嘅情況都幾罕有，相信係因為啲少壯派嘅教職員希望改革，咁就投晒票畀阿南哥囉！
啲教職員亦都希望搵個強勢啲嘅領導，南哥主張大學應該開放啲，做決定前要多啲諮詢教職員意見，唔好乜都從上而下，梁怡個人就比較溫和。𠵱家大學面對咁多問題，又俾人削資，咁嘅形勢之下，形象企硬嘅人自然討好啲。
傳真︰2623-9278
電郵︰[email protected]