郭羨妮及Rosemary等人昨日往尖沙嘴演出泳衣騷，獲頒「十全十美之星」的郭羨妮只穿上平腳泳褲亮相，比起穿上比堅尼後迫爆身材的Rosemary來說大為失色。郭羨妮指自選港姐後已再沒膽量穿三角形泳褲，並否認因分手後豁出去行泳衣騷。
郭羨妮昨日與Rosemary、陳小韻、楊洛婷及沈穎婷等人往尖沙嘴海港城SportX多功能運動場，演出「SpeedoNowSwim動力騷」，郭羨妮更獲頒「NowSwim十全十美之星」，Speedo方面的高層為親親郭羨妮，更冒着差點趕不上飛機也堅持出席。
昨日眾模特兒中，以Rosemary的迫爆身材最有看頭，郭羨妮所穿的泳衣款式則十分保守，清一色是平腳泳褲，郭羨妮坦言是自己要求只穿平腳泳褲的，她說：「自從選美之後都冇膽再着三角泳褲啦。」
問郭羨妮愈來愈保守，是否一定不敢裸泳？她說：「係啦，太危險啦。」再問是否與溫兆倫分手所以豁出去肯接泳衣騷時，郭羨妮則說：「唔關事，不過我短期內唔會再拍拖，我𠵱家感情休息，工作要百分百努力。」
此外，陳小韻被問到看見Rosemary的迫爆身形會否有比下去之感時，她說：「唔係大就好，太大睇起嚟會好肥好厚，着衫反而唔靚，演出前有工作人員畀個墊我我都話唔使。」陳小韻透露早前開始回復做gym及跑步喼弗，她說：「早排去泰國諗住曬黑啲，點知曬燶咗，返嚟香港又好快白番，呢幾日又落大雨，遲啲先可以再曬過啦。」
採訪：CheokPoFa
攝影：ChenWaiOn
