旺角街頭小食近年乏善足陳，炸魚蛋、炸番薯食到厭！近個多星期，三間外地口味的小食店竟不約而同開業，並極速上位，師傅表演拋印度薄餅惹人圍觀，正宗日本八爪魚燒勁香口，澳洲串炸雪糕人人爭住食，重話要一啖吞晒至夠過癮喎！
記者：李淑芬、梁佩芬
攝影：周旭文、梁細權、楊錦文、伍慶泉
新寶對面：串炸雪糕人人爭住食
炸雪糕不是新產品，但像街邊辣魚蛋檔般一口一粒的冰火串炸雪糕，就當真前所未見。「小岩里」與新寶戲院一街之隔，店主是印尼華僑，覺得市道好轉引入澳洲入口的冰火雪糕，雪糕來貨時已勁似魚蛋，浸粉漿後放入炸爐炸10秒鐘，蘸果醬即吃，口感是瞬間的先熱後凍，舌頭發麻直接刺激味覺神經，食客無不大呼過癮！除炸雪糕，店子還出售地道印尼串燒，用10多種香料醃製超過18小時的豬肉、雞肉、豬頸肉、牛肉及雜肉串，放烤爐燒熟，超惹味！
好景對面：印度薄餅日賣2,000塊
好景商場對面的「喀什米爾咖喱屋」人頭湧湧，不時彈出一句：「呢啲咩嚟㗎？」老闆SajjadHaider即場表演拋印度薄餅，吸引大量旺角街坊圍觀。此店一個套餐$25，已有2塊薄餅兼咖喱雞、牛或羊做餸，價錢相宜，單買一片薄餅$5，新鮮煎起熱騰騰，街坊受落旋即沽清，難怪店子每天可賣2,000塊之多。煎爐上，尚有一款潮汕自創煎餅，煎餅用酥皮包着綠豆茸、番薯、紅豆茸等各式餡料，全部不加糖與油搓成，純天然味清新健怡。
小峇里（31195449）
地址：旺角花園街7號B地舖
營業時間：12:00nn至12:00mn
點食法？
蘸朱古力、士多啤梨或芒果醬，別怕熱也別顧儀態，一啖放入口即咬破脆皮，雪糕的凍融和脆皮的熱混合後溫度剛剛好，切忌慢慢一口一口咬，因為雪糕好快溶，會跌到一身都係。
喀什米爾咖喱屋（鄭先生67500909）
地址：旺角登打士街55號地舖
營業時間：12:00nn至12:00mn
山東街：八爪魚燒粒粒彈牙
「築地銀囗」在日本有超過350間分店，最新香港分店選址旺角，店長齊藤推出2款全港獨有的抹茶八爪魚燒套餐：6粒八爪魚燒加1杯抹茶飲品$35，10粒八魚燒加2杯抹茶飲品$54，若不喜歡抹茶可以汽水代替。不說不知，原來八爪魚含豐富牛磺酸（Taurine），能有效控制血壓、膽固醇和血糖兼提高肝臟功能，日本這最長壽的民族最喜歡的街頭小食就是八爪魚燒！原來吃小食也可長命百歲！
築地銀囗（21510782）
地址：旺角山東街40Q地下
營業時間：12:00nn至12:00mn