八方知道呢個版好多傳媒行家睇，各位，大家想唔想了解吓「二十一世紀電子新聞媒介的挑戰」呢？如果想，咁下個禮拜四晚就唔好約人，因為浸會大學有個講座，請咗四大電子媒體新聞部阿頭──TVB袁志偉、商台陳淑薇、有線趙應春同埋亞視關偉（排名不分先後）去演講，由林旭華做主持，睇怕到時都會有啲火花，值得大家去捧場。
媒介咁多精英，點解浸會請佢哋四位呢？因為佢哋係校友囉。呢個講座，其實係為該校第二屆銀禧及元老校友加冕禮助興，除咗講新聞。
下周二重有一場講「香港電影如何突破困局」，以及下周六講「未來香港社會福利發展藍圖」；講者分別係冼杞然、張堅庭、鄭丹瑞，同埋吳水麗、易嘉濂、邱浩波、張超雄、關銳煊，當然都係浸會人。
傳真︰2623-9278
電郵︰[email protected]