九倉大老闆吳光正四月七號趁有線新聞十萬小時慶典，發表「一個以權謀私、公私不分、將私人恩怨帶到公職上、利用職權照顧自己人、或者打擊其他人的人，一定不適合做特首」言論之後，一直冇乜新聞。
八方噚日收到佢嘅消息，原來呢兩日吳老闆以貿發局主席身份，帶團去重慶訪問。團員有貿發局理事鄭維志、丁午壽、總裁林天福、美商會主席梅三樂、集富亞洲北亞區主管陳鎮洪、港交所執行總監霍廣文、政府經濟顧問郭國全、投資推廣署中國事務主管李淑菁……總之就人多勢眾。
吳老闆話，重慶有四大支柱產業──汽車摩托工業、設備製造業、加工業及高新技術業，全部都好有潛力；而重慶企業需要嘅就係三個M：Money、Market同Management。咁香港支柱產業係乜嘢呢？吳老闆嘅答案梗係貿易啦，沙士之後，八方都聽佢親口講過呢。
傳真︰2623-9278
電郵︰pf_lee@appledaily.com