張文慈（Pinky）、王慧、袁文傑及杜挺豪等，昨日在尖沙嘴宣傳亞視新劇《爸爸向前走》，雖然Pinky在劇中只屬客串性質，但她昨日亦畀面出席。Pinky自稱為「亞視宣傳部一姐」，她說：「劇又冇我份拍，反而次次都有我份宣傳，都唔知點解。」
Pinky自言與亞視只餘下八個月合約，她說：「我當初入亞視都係想拍劇，點知呢年半只係拍咗一套劇。我唔係有乜嘢怨言，只係覺得要同公司反映吓，畀啲機會我。」問Pinky會否後悔簽約亞視，她說：「咁又冇後悔！當然我未簽亞視以外援身份幫佢重多劇拍，咁可能公司真係重視外援多啲喇。」亞視製作總監梁立人得悉Pinky的微言後，亦立即加以安撫及向Pinky大派定心丸。
採訪、攝影：王崇穎