《非常外父生擒霍老爺》係四年前《非常外父揀女婿》的續集，今集由羅拔迪尼路（RobertDeNiro）親自監製，繼續夥拍導演積羅治（JayRoach）大玩對親家笑片。今次主角唔再係女婿賓史迪拿（BenStiller），而係荷李活一級演員羅拔迪尼路、德斯汀荷夫曼（DustinHoffman）及芭芭拉史翠珊（BarbaraStreisand），睇開三位一級演員做劇情片，今次聚首一堂拍搞笑戲，真係好少有，尤其係迪尼路近幾年轉型，令佢嘅忠實影迷耳目一新。戲中兩位Daddy級人馬鬥得五顏六色，媽咪們就鑽研更年期後點樣重燃慾火，成齣戲最難控制唔係點搞笑，而係同時控制BB仔，又要理埋貓狗，今次導演真係搞到自己囉！今集講到退休CIA探員外父老積（羅拔迪尼路）終於應承，將愛女嫁畀男護士GregFocker（賓史迪拿），但要先見佢做律師嘅阿爸及醫生嘅阿媽，睇吓係咪門當戶對。老積出動佢架改裝大型旅遊巴，帶住個超級醒目嘅孫仔同老婆，出發去霍家。要提醒大家留意羅拔迪尼路架大巴，真係唔係一般巴士，好配合佢身份。DVD內收錄NG片段，少見羅拔迪尼路笑嘅人，就好睇多啲啦！
文：朱就