鍾麗緹前晚以超性感姿態往金鐘出席一酒會，力壓同場多名女星如張敏、李嘉欣及楊恭如等。鍾麗緹指女兒十分懂事，經常問她纖體會不會很辛苦，又常在學校摘花送給她，並催她再生BB，還每次買玩具時多買一份說是買給弟弟的。
鍾麗緹、李嘉欣、張敏及梁錦松伏明霞夫婦等前晚往金鐘萬豪酒店，出席「2005香港湖北周武漢舊城改造新區開發聯誼酒會」，剛踏入初夏，眾女星即以春夏新裝示人，但論性感則以身穿粉色低胸裙的鍾麗緹勝出。
問鍾麗緹近況，她表示早前本計劃在內地開餐廳，但因申請批文程序繁瑣，現已打消此念頭，她說：「𠵱家都係拍戲為主，遲啲我要去珠海拍戲，我會演一個好乞人憎嘅有錢女，我好鍾意試新角色，唔使次次做花瓶。」
提到女兒，鍾麗緹則雀躍的說：「個女好乖，佢每日返學都會喺學校摘鮮花送畀我，又問我接纖體工作會唔會好辛苦，同埋個女好想我生個BB，佢次次去買玩具都專登買多份，我問佢買咁多做乜，佢就話係買畀細佬嘅。」
李嘉欣前晚則大談投資心得，她說：「我有喺上海買樓，因為冇諗過賣，所以冇留意賺蝕，下一步我會計劃喺北京同武漢買樓，不過我係方向同數字白癡，呢方面都係交畀媽咪同家姐搞，佢哋冇我咁大膽，所以一定唔會出事。」
李嘉欣並指買樓的準則一定要對該地方有感情，她說：「到現時為止，我都係最鍾意香港。」
採訪：RitaLeung
攝影：ChenWaiOn
