近日猛吹水話要參選特首嘅潮州怒漢詹培忠，噚日喺一個纖體公司活動中出現。八方以為纖體公司搵咗佢做代言人，幫佢喺參加特首選舉前減肥收身，等佢有個更型嘅「靚仔look」面對選民。
事實就當然唔係咁，纖體公司公關小姐解釋話，今次只係搵詹培忠擔任纖體大激鬥活動嘅首席評判，因為呢次活動係全港「最公平、公正、公開」嘅減肥比賽活動咁話，所以就要搵個由選民選出嚟又夠重磅嘅人做呢個首席評判位。吓？咁都得，金勞詹只不過係功能組別嘅議員，論代表性肯定唔及民選議員；不過以佢嘅身形，雖然近年減咗磅，都仍然算得上係份量十足嘅。
傳真︰2623-9278
電郵︰[email protected]