煲呔選特首，肥龍許仕仁義不容辭撲出嚟幫手，做佢副手，同煲呔擺平各方勢力，等佢老哥可以專心做特區一哥，真係唔話得。
當然八方都唔知煲呔上位之後，肯唔肯放權畀舊同袍，因為如果肥佬許功高蓋主，咪自尋煩惱？但係，老許一定好識做，對佢嚟講，做吓一人之下，萬人之上嘅政務司司長都幾盞鬼，何況煲呔對佢一直都言聽計從。
記得當年肥馬馬時亨上位，肥佬許同鄺其志呢兩位皇仁師兄弟一離開政府，八方就笑過皇仁仔被新法仔打低。勢估唔到，老許會嚟一招回馬槍，如果叫埋神童鄺其志歸隊，加埋周一嶽大師兄，皇仁仔有三個人，要報仇話咁易。
傳真︰2623-9278
電郵︰[email protected]