S103變3G機插水王

S103變3G機插水王

當初以鋪天蓋地廣告殺到嚟香港嘅三洋S103,呢期風頭好明顯俾「同門」嘅SharpSX813搶晒,所以身價亦都應聲下跌,雖然官方所標嘅淨機價依舊係要$5,680,不過有零機價撐腰,對於要上台嘅客,呢個價真係幾吸引!若果唔想俾約纏身,就算買淨機,都未必一定要$5,680,因為出面街舖都已經標緊三千蚊左右。其實S103本身規格真係唔差,有個2.4吋大芒同埋130萬像素靚鏡頭,只可惜算係生不逢時,個「細佬」話咁快就殺到嚟,畀着我係老竇都知錫邊個多啲啦!

文:尹謹基