國金中心二期落成超過一年，重有大租客近期先至入伙，最新一個大客係國際四大會計師行之一嘅安永。八方收到佢哋通知，話佢哋租咗十一至十八樓一共六層，今日正式遷址。安永用嘅官方地址就係十八樓，當然係取其諧音「實發」好意頭；八方翻查通勝，發現今日只係宜「會友」及「赴任」，冇講話宜「遷徙」，冇理由嘅，以安永主席胡定旭篤信風水術數嘅作風，今日一定最宜搬竇，雖然老胡話今年底唔會連任做主席，亦唔會唔計較。
不過，遷址呢家嘢睇你點睇，其實安永早個多星期已搬咗去國金辦公，唔知堪輿大師點計邊一日至算遷徙呢？
傳真︰2623-9278
電郵︰[email protected]