朱茵昨日到海港城出席一個母親節宣傳活動，她透露昨晚會陪母親吃飯，並已買了一個復古首飾盒送給母親。朱茵說：「我等佢重拾吓少女情懷吖嘛，好多人都鍾意搵返以前少女時嘅嘢。」問朱茵男友黃貫中可會一起食晚飯，她說：「咁佢都要同媽咪慶祝㗎。」
朱茵稱長大後特別覺得母親偉大，但自己仍未打算這麼快做母親，她說：「隨緣啦，ＢＢ係上天送嘅禮物，我未有打算做媽咪。我細個有個習慣，除咗會同媽咪saysorry之外，重會寫道歉信畀佢，好有效㗎，我媽媽試過一路睇一路喊。」朱茵續說：「有時屋企有大嘅決定都會一家四口開家庭會議決定，屋企人就唔多，狗仔就多，如果狗仔識得送禮物畀我就好咯，不過佢哋瀨少一日屎都偷笑。」