特區政府成日唔畀中華旅行社總經理鮑正鋼接機，好似親民黨主席宋楚瑜訪問大陸咁，鮑經理話，佢已經入紙申請，希望喺宋主席經香港返台灣時送佢機，但特區政府又唔畀，係咩原因相信大家都估到啦！
唔知係咪接唔到機，搞到中華旅行社心灰意冷，唔再搞啲同旅行接機有關嘅活動，噚日改為搞個母親節活動，獎勵啲好辛苦嘅母親，重請埋左中右派嘅立法會議員參加（有蔡菜子、李鳳英同馮檢基），一齊慶祝母親節。鮑經理話，上次事件搞到佢服務唔到部份台灣人（即係連戰啦），令佢覺得好遺憾，希望香港同台灣都體諒大家嘅立場，日後做到更開明、更開放，同埋有更好嘅交流啦！
傳真︰2623-9278
電郵︰[email protected]