潮流興辦報，繼中原施老闆之後，李老闆嘅新城亦想玩吓，不過，佢哋唔係喺香港玩，而係喺珠三角。
話說新城財經台與廣東省人民電台旗下嘅「財經927」聯播之後，合作好愉快，而「財經927」除咗廣播之外，重出版一份叫《投資快報》嘅報紙，喺珠三角地區賣。新城見有此機會，於是去傾生意，由今日起，逢禮拜一承包一個全版嚟做，當然包埋廣告安排。如果搞得好，第日大有機會日日出，一版一版加上去。
最近經過巴士站，見到有張該台嘅晒冷相，有齊高層、名嘴以及客席主持在內。咁大手筆賣廣告，你估佢哋係咪已經成為霍建寧心目嘅大「雞髀」？
傳真︰2623-9278
電郵︰[email protected]