【本報訊】上周揚言要推舉人選參選特首，與曾蔭權「講數」的鄉議局，昨天極速轉軚挺曾。鄉議局主席劉皇發讚揚署理特首曾蔭權才識廣博、精明能幹，聲望和政績足以證明是下任特首的最佳人選。不過，鄉議局選委簡炳墀則認為，鄉議局不應太快表態挺曾，又揚言不排除改為支持有意角逐特首的民主黨主席李永達。
曾蔭權昨出席鄉議局副主席、立法會議員張學明的天水圍地區辦事處開幕禮。劉皇發致辭時極力吹捧曾蔭權，指曾為官從政、功成名就，對國家對香港都是赤心奉公、霖雨蒼生，「前人有句話叫『春到人間草木滋』，足以成為曾先生任內功績嘅注腳。」劉更祝賀曾蔭權成功當選，「如果佢選特首，一定眾望所歸，馬到功成！」
對於劉皇發力挺曾蔭權，簡炳墀則說：「人各有志，佢做乜嘢有言論自由，既然轉（軚）得咁快，如果個個都係咁，不如由大陸委任（特首）重好，唔使嘥咁多時間同錢。」他又批評，社會不應太快表態挺曾，「大陸都冇話支持邊個，曾蔭權都未報名，個個出嚟支持佢，感覺好似有金執咁，人哋都未報名，你就支持佢，係得啖笑。」簡更指，若李永達的政綱「啱聽」，反而會支持對方。