由佐治魯卡斯（GeorgeLucas）執導嘅《星球大戰前傳黑帝君臨》，將於今個星期喺康城影展中作全球首映。而康城大會前日宣布，佢哋將會頒發一個榮譽大獎畀魯卡斯，以表揚佢多年來對影壇所作出嘅貢獻。另外，魯卡斯個好友史提芬史匹堡（StevenSpielberg），亦都俾科幻小說學會選為殿堂大獎得主，大會重讚佢執導嘅《E.T.外星人》同《侏羅紀公園》等科幻電影，成就卓越。