香港人成日俾人話英文唔掂，原來地理一樣肥佬，天文台長林超英（圖）喺香港電台《香港家書》寫咗封信畀兩個仔，署名「受了薪代人憂天的父親」，佢喺信裏面話，天文台見求職者，其中一個考題係叫佢哋喺地圖上面指出菲律賓嘅位置，點知好多人都指錯晒，令佢搖頭歎息，佢又話當年自己後生時，國際新聞都放喺報紙頭版，𠵱家就縮晒水，佢好擔心香港人失去國際視野，眼光局限於香港嘅零碎小事，唔再配做大都會市民。香港通街菲傭，但竟然有咁多香港人連菲律賓喺邊都唔知，難怪林台長憂天之餘，又要憂心。
爆料熱線：29290000、27860099
報料傳真：26239278
報料電郵：[email protected]