二十九歲的懷欣由美國返港，本來只是為去年阿Sam復出個唱盡點力，結果卻被演唱會製作人丘亞葵游說成功，留港發展。
至於結婚差不多兩年的外籍太太Candice，因支持丈夫的決定，亦毅然放棄美國那份薪金和福利也相當不俗的護士工作，令懷欣極為感動。懷欣說：「太太陪我返香港發展，佢想做番護士，但佢喺美國考嘅護士牌，香港係無效，所以佢要重新再讀書再考過，佢真係好支持我。」
問到懷欣與太太的相識過程時，他竟顯得滿不好意思，他說：「讀大學時，每星期我都會同班朋友去美國聖地牙哥度夾band表演，而佢就差不多每星期都會同朋友嚟睇，大家傾音樂幾投契，跟住就好自自然然拍拖約會囉。」
有傳阿Sam一擲千萬，在自己康樂園住所附近買了一個單位給懷欣和媳婦居住，但他連聲否認：「如果係真嘅話，我都會好開心嘅，但事實上根本冇咁嘅事，我𠵱家同太太都重喺銅鑼灣租屋住。」